爆79歲謝賢玩失蹤　婷婷笑言要送平安鐘

藝人謝婷婷以黑色開衩露背裙出席首飾活動，她透露剛從倫敦返港。問到聖誕如何慶祝？她笑說：「應該同屋企人過，今日打畀爹哋，佢屋企電話唔通，搵人去拍門，佢話冇錢交電話費。（佢一個人住擔唔擔心佢？）會呀，佢仲有習慣飛線返屋企，但又唔記得飛番出嚟。（佢女友Coco呢？）Coco都唔係成日喺香港。（佢哋係咪仲一齊？）我好少問，但據我所知係一齊緊，佢哋都十年喇，我爸爸係一個好長情嘅男人！」記者笑問會否建議父親在家裝平安鐘？婷婷笑說：「好主意，但一定要整到好靚，佢鍾意皮，可以用皮整，當聖誕禮物送畀佢。（Daddy係咪唔認老？）我哋冇講佢老，所以唔知佢係咪唔認，不過我同佢去睇戲，佢會叫我幫佢買老人飛。」

享受單身 未有追求者

提到早前父親和曾江的爭執，近日曾江公開向爸爸道歉，她續說：「大家夾埋都幾多歲呀？我Daddy下年都80歲，都應該要化，咁咪好囉！」早前有指她有新歡，婷婷表示大家純粹是好朋友，沒有發展可能，更有替對方尋找女朋友。她又指很享受單身，亦沒有追求者，笑言寄望明年。記者笑指父母及哥哥都一雙一對，婷婷笑言可與姪兒湊成一對。

最強娛樂APP《東網巨星》，推出全新遊戲節目《巨星放題》，前八集有謝安琪同陳奕迅擔任星級主持發問IQ題，嚟到最新一集，亦即係第九集終極之戰Round 1，再有張敬軒加盟做星級考官，淨係「考官」卡士都夠晒強勁。呢集有周秀娜、連詩雅（Shiga）、楊詩敏（蝦頭）及陳瀅四位參賽者！到底最後邊個可以榮登「放題IQ 王」的寶座？快啲去《東網巨星》App收睇啦！

《東網巨星》App下載連結：

Android App - http://goo.gl/GqQlC2

iOS App - http://goo.gl/ItozKI