【視帝之爭】陳展鵬當正秋生偶像

20151209
東網電視
更多新聞短片
之前已經連中兩元嘅陳展鵬,到底可唔可以再下一城呢?
在台慶視帝之爭,與秋生及祥仔齊齊被睇高一線嘅陳展鵬,早前已於馬來西亞及新加坡的電視頒獎禮中憑劇集《張保仔》奪得視帝獎項。今次再入圍角逐台慶視帝,隨時「大滿貫」擸齊三地視帝榮殊。
最想有共鳴
問到陳展鵬有否信心,他坦言自己放了很多時間在工作上,亦付出咗好多努力去學習、嘗試,若果真的拿到當然會開心,他說:「其實我從來冇話要得到乜嘢獎項,只希望做到自己想做嘅嘢,希望做出嚟得到觀眾共鳴。」
談到今屆競爭相當激烈,當中不少前輩級的演員參與角逐,陳展鵬表示:「黃秋生係我偶像,佢每一部戲都會睇,不過我最想係黎耀祥或歐陽震華攞。秋生嘅優點係佢將藝術生活貢獻晒喺演戲上,一路不停貢獻,佢對工作同演戲嘅態度,我會好好學習。而黎耀祥和歐陽震華每年拍好多劇,每次都唔同角色同劇種,要喺每次演出都保持水準,係一件相當困難嘅事,呢啲係佢哋嘅累積獎金。」
陳展鵬坦言奪了兩個電視台視帝獎後,的確為他打了一支強心針:「多謝係大家對我嘅認同與支持。」