吳綺莉克服飛機恐懼　萬里尋父不再遺憾

吳綺莉（Elaine）雙親早在她一歲時離異，有認知以來她從未跟父親一起生活，只是在三歲和十一歲見過父親兩面，在欠缺父愛下，跟母親鄭黎明從上海來港相依為命生活，母兼父職，Elaine表示母親是名「虎媽」，管教極嚴！

與父僅見過兩次

轉眼卅多年，今年10月吳母離世，吳綺莉有感而發上載了一幀雙親抱着年幼的她的珍貴黑白照，一個月後Elaine再上載另一張她與父親的舊照，並寫道：「爸爸三十多年沒見，這輩子還會再見嗎？」淡淡透出思念老父的情懷！至上月底感恩節，Elaine終尋得與父聯絡的方法，血濃於水，決意尋親，同時解開多年的心結。

Elaine出席鞋履設計比賽活動時，問及是否已取得與父聯絡的方法，她說與父尚未重聚：「早排我媽媽過身，我諗起幾十年冇見過爸爸，好好彩我搵到朋友幫我聯絡到佢，但同爸爸仲未有聯絡，因為呢排我好忙。（未正式同爸爸聯絡？）未呀，因為佢一路喺美國，就嚟聖誕，我呢排好多嘢做，都冇時間。」問她跟父親多少年沒有見面？Elaine說：「我諗最後一次見佢係喺街撞到，當時我得11歲，見到幾分鐘，再對上一次應該係3歲。（呢幾個月會見到爸爸？）手頭上太多嘢要做，除非佢嚟香港，否則都好難見到面，加上我有飛機恐懼症好多年，好驚搭飛機。我飛去美國唔會飛得一兩日，目前真係行唔開。」

飛紐約住卿卿家

事實上當年Elaine跟母親從上海來港，只是搭火車，但為了萬里尋父，一於無懼搭飛機的恐懼，決定照飛。其女吳卓林當然未見過公公，Elaine承認若有機會會帶卓林同行，說：「我都幾十年冇見啦！卿卿（葉玉卿）都喺紐約，如果我去應該住喺佢嗰邊。我一定會飛過去，但唔係依家呢一刻。真係太耐冇見爸爸，我都要消化吓，成件事好陌生。」

知父親已再婚

吳綺莉其後再接受《東網》電話訪問，她強調父親在美國，要即刻找到他比較難，問若然父女重逢，她第一句想跟爸爸講甚麼？Elaine說：「依家心態未Ready好，未諗過呢個問題。（卓林知道外公嘅事？）佢未知，咁細個得16歲！」她知道父親在美國已再婚，對其生活情況不太清楚，要再了解。問她可會埋怨父親？Elaine說：「冇呢種感覺，當時好細個，對爸爸冇乜印象，唯一好多人都話我好似佢！」

聖誕將至，Elaine表示要畫畫度過，本來她曾想過與卓林一齊離港，未料發現護照過期，惟有母女一齊留港過節，她說：「其實佢可以自己去，但我唔放心，可能佢見我唔放心都唔去。唔係壞事，佢可以有時間做功課。年頭佢幾個月冇返學，甩咗好多功課，呢排都頭痛緊，聖誕佢要追番好多功課。」

最強娛樂APP《東網巨星》，推出全新遊戲節目《巨星放題》，前八集有謝安琪同陳奕迅擔任星級主持發問IQ題，嚟到最新一集，亦即係第九集終極之戰Round 1，再有張敬軒加盟做星級考官，淨係「考官」卡士都夠晒強勁。呢集有周秀娜、連詩雅（Shiga）、楊詩敏（蝦頭）及陳瀅四位參賽者！到底最後邊個可以榮登「放題IQ 王」的寶座？快啲去《東網巨星》App收睇啦！

最強娛樂APP「東網巨星」下載連結：

http://on.cc/redirect/entertainment