陳展鵬在YAHOO頒獎禮奪得「電視男藝員」獎，問到會否增加奪台慶視帝信心？展鵬說：「唔係，今年係豐收年，好多嘢意想不到，都要訂個櫃擺獎。」記者笑指應買大屋藏獎，展鵬說：「一路都想買，睇定啲先。（儲定彈藥？）依家發展商好堅，即場有二按，冇錢咪問親朋戚友借，攞埋媽咪啲積蓄。」

至於是否有信心與視帝大熱黃秋生爭視帝？展鵬說：「秋生係神級，同佢一齊提名已經當贏咗，我初出道同佢合作過電影，最衰冇份拍《梟雄》，如果唔係可以喺佢身上學嘢。」他透露已準備好靚衫出席無綫《萬千星輝頒獎典禮》：「今年係最有誠意。（知道一定有獎？）唔係。」