沖完涼玩狗被咬 吳若希勁驚破相
20151211
東網電視
更多新聞短片
吳若希無啦啦半夜受傷，陰公豬。
老是常出現嘅吳若希，今日將佢嘅分身術發揮到淋漓盡致！首先佢出席咗一個頒獎活動，之後佢去埋無綫盆菜宴，再之後佢又去咗撐好友許廷鏗個show。不過就算一晚連跑三場，一啲都冇影響到佢嘅energy level，當佢返到屋企之後，佢都仲有精力同佢隻愛犬Honey玩，點知一個唔小心，畀愛犬咬到塊臉。雖然係咁，但都影響唔到佢對社交網嘅熱愛，佢即時將個傷勢向網友滙報，仲講到好嚴重咁話：「我要破相了。」
由於Jinny講到咁大件事，《東網》自然第一時間問佢回應啦！佢就話：「做完嘢返屋企，沖完涼瞓喺床準備瞓，同愛犬Honey玩咗陣，點知Honey太肉緊，咬咗我面珠一啖。我唔擔心破相，因為傷口唔深，不過呢幾日都有工作喺身，要用化妝遮住，希望盡快康復！」
呢個時候，亮點又嚟喇，佢就話自己係沖完涼先同愛犬玩，仲準備瞓覺添，但根據佢上載嘅傷勢滙報圖，佢受傷嗰一刻，臉上仍有化妝，仲有眼線添，唔通佢係習慣唔落妝瞓覺嘅？
最強娛樂APP《東網巨星》，推出遊戲節目《巨星放題》，前八集有謝安琪同陳奕迅擔任星級主持發問IQ題，嚟到最新一集，亦即係第九集終極之戰Round 1，再有張敬軒加盟做星級考官，淨係「考官」卡士都夠晒強勁。呢集有周秀娜、連詩雅（Shiga）、楊詩敏（蝦頭）及陳瀅四位參賽者！到底最後邊個可以榮登「放題IQ王」寶座？快啲去《東網巨星》App收睇啦！
最強娛樂APP「東網巨星」下載連結：