苟芸慧晒線谷生意 專心做老闆娘
20151211
東網電視
更多新聞短片
苟芸慧一於寄情工作，投入做老闆娘喺舖頭到打點一切！
「富黛戀」兩年前玩完，前華姐冠軍苟芸慧被指是兩人分手的導火線，如今城城已戀上上海姑娘方媛（Moka），熊黛林又與郭可頌打得火熱，惟苟姑娘的感情世界仍然得個吉。冇拖拍有咩做？ 當然是寄情工作，演藝事業未見起色的她，早前與朋友合資點心餐廳，並以七位數購得日本Hit爆卡通人物「蛋黃哥」作招徠，將造型融入點心，全情投入做老闆娘！
打點大小事務
苟姑娘事事親力親為，日前出席活動後，急急腳返尖沙咀的點心舖打點，為爭取時間，她與同行的女友人步履甚快，即使女友人停低似有事商量，苟姑娘也示意返回店舖再說。老闆娘唔易做，除了打點大小事務，原來苟姑娘連宣傳都做埋！當日她約了無綫到點心舖做訪問，攝製隊未到時，她已指手畫腳叫夥計執靚舖面。晨早開工的她等待期間難免口擘擘「放蚊」，但無損工作動力，待攝製隊到場，還特地換上低胸裝晒事業線。直至訪問結束，苟姑娘依然唔願走，與一名男友人密密斟了約一小時才一同離開。
網上晒手拖手熊仔糖
據知，苟姑娘如此努力工作，其中一個原因是希望以工作麻醉自己，提醒自己早已放下城城，而城城公布與Moka的關係後，苟姑娘亦大方送上祝福：「作為朋友，衷心祝福佢哋幸福快樂！」又在社交網上載手拖手熊仔糖祝福天下每對情侶幸福快樂， 擺明宣告早已放下過往一切！
對於城城公開戀情後備受非議，苟姑娘說：「其實其他人冇立場可以評論佢哋兩位嘅感情，我覺得一段感情嘅開始，係好應該畀祝福，我都祝福佢哋。（有見過新城嫂Moka ？）最近好忙，未了解發生緊咩事。」
「冇資格評論」
談到「城媛」被指是「父女戀」而遭唱淡，苟姑娘笑說：「其實圈中好多對都係咁， 我覺得唔應該針對佢哋。（戥佢哋慘？）冇咩了解佢喺件事上係點樣，感情嘅嘢其他人真係冇立場去講，包括我自己都冇資格評論。」
最強娛樂APP《東網巨星》，推出全新遊戲節目《巨星放題》，前八集有謝安琪同陳奕迅擔任星級主持發問IQ題，嚟到最新一集，亦即係第九集終極之戰Round 1，再有張敬軒加盟做星級考官，淨係「考官」卡士都夠晒強勁。呢集有周秀娜、連詩雅（Shiga）、楊詩敏（蝦頭）及陳瀅四位參賽者！到底最後邊個可以榮登「放題IQ 王」的寶座？快啲去《東網巨星》App收睇啦！
最強娛樂APP「東網巨星」下載連結：