鄺佐輝癌症復發　鄧英敏：有心理準備

藝人薛家燕、鄧英敏等出席「和音天王」譚錫禧的演唱會記者會，鄧英敏與鄺佐輝相熟，提到有指鄺佐輝癌症復發，他說：「我知，早兩個星期我有去醫院探佢，佢狀態幾好，我哋有傾有講，佢仲喺度哼歌。」但他就謂對方近日的健康狀態不太樂觀，醫生不只一次對其家人表示要有心理準備：「依家啲止痛藥係飲嘅，佢飲嘅量愈嚟愈多，飲完會昏昏欲睡。」

為鄺佐輝家人打氣

而鄧英敏表示藝進同學會曾打算派人去探訪鄺佐輝：「我有叫佢家人問佢，但佢可能驚自己唔夠精神，唔想見人，可以理解嘅。」他又謂希望上天可以再多給對方二十年：「到時佢都差不多八十歲，佢嘅生死交畀天主，但照顧就交畀佢家人，佢哋都成日去探佢，但唔係留好耐，因為佢會叫家人走。」他表示已叫對方家人作最壞的打算，但最大的希望，又指每日會與他們聯絡，為他們打氣。他續說：「有時我接咗啲工作撞期，佢都會係我嘅首選，幫我頂，所以在公在私都希望佢身體健康！」