升呢變孤獨精　洪永城拎報名表巴結朋友

藝員洪永城於將軍澳電視城出席「TVB職藝員聯歡晚宴2015」，有份入圍「最佳男主角」的他，笑言：「我攞硬男主角獎！（咁有信心？）自己都係陪跑，對手好強，自己投咗陳展鵬，因為佢係朋友，所支持佢，「最受歡迎電視角色」就投咗自己嘅張保仔。女主角就投咗畀田蕊妮，不嬲都好鍾意睇佢演戲。」

有指洪永城「升呢」一線藝人後即變孤獨精，他表示：「係咩？我不嬲都獨立啲嘅，佢哋影到我自己食飯，過緊獨自生活咁。（外景都自己食飯盒？）記者真係無處不在！（即係無朋友？）現場所見真係冇乜，一陣拎張報名表嚟巴結吓啲朋友先。（你仲有黃翠如！）費事再答喇，一陣又引起好多話題出嚟。（有唐詩詠就夠？）梗係啦！」