視后投田蕊妮？胡定欣矛盾：又想投自己

藝人胡定欣於將軍澳電視城出席「TVB職藝員聯歡晚宴2015」，昨晚前後均有睇頭的她，今晚以普通裝扮現身，性感大減，她笑說：「今日涼咗！（嚟拉票？）冇呀，大家要支持我就唔使講，投我一票就好開心！（田蕊妮話試戰衣試到抖唔到氣！）佢封咗個鼻呀？（你嗰件透視佢就唔透視喎？）其實戰衣呢啲一早預備咗，唔會呢兩日先準備，咁即係我哋心有靈犀。之前同胡杏兒去台灣玩，大家都搞笑講食埋上路唔好再食，要Keep到最Fit去頒獎禮。（阿田話今晚嚟聞吓味？）我今朝做咗運動，仲有少少Quota食隻冬菇！（投咗票畀自己？）自己都好矛盾，想投阿田（田蕊妮）、又想投番自己，套劇監製都話好難投，真係手掌手背都係肉！」