佘詩曼晒煞食側面　獲讚靚到爆炸

視后佘詩曼（阿佘）多年來感情生活都係白紙一張，幸而有一班好姊妹力撐兼成日Gathering，令佢生活一啲都唔dry！除咗靠好朋友帶畀佢歡樂之外，佢亦都好識得自娛。呢日佢就喺社交網站分享咗自己嘅連環自拍，童心未泯嘅佢相當可愛，好似同粉絲玩捉迷藏咁，由冇樣變出索爆嘅側面，仲笑到四萬咁口！」單單係一個側面照已經吸引咗好多網友嘅注意，仲力讚佢：「靚到爆炸！」另外，有粉絲都借機追問佢幾時搵到佢嘅真命天子：「索索Sheh sheh，幾時先搵到另一半啊？」