祖藍自認攪屎棍！亞男教訓老公獲激讚
20151212
東網電視
更多新聞短片
亞男同祖藍之間嘅互動好搞笑。
藝人王祖藍近年北上發展，憑節目《奔跑吧兄弟》人氣急升。最近佢喺劇集中與隊友玩推理遊戲時，因為多次懷疑線索嘅真偽，搞到答錯唔少「送分題」，令一班觀眾睇到好激氣！唔少觀眾開玩笑咁話祖藍係「攪屎棍」，指佢應該唔敢再睇番呢一集！
而節目播出後，祖藍似乎仲未「知衰」，喺網上分享一張睩大對眼嘅自拍，仲自信咁話：「我就是攪屎棍王祖藍，你怕不怕？」正當一班觀眾憤怒緊佢咁得戚嘅時候，老婆李亞男即刻出手補飛，為觀眾出一口氣！
佢喺網上上載祖藍赤裸上身嘅照片，身邊嘅李亞男就扮晒嬲咁準備打佢一餐，並留言：「我已經為了大家抽了攪屎棍王祖藍！不用謝！」得到老婆嘅教訓後，祖藍先肯認錯：「以後不敢了！對不起各位！」對於佢哋兩公婆嘅互動，觀眾都大讚好可愛！
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：