梅媽誓要投得阿梅遺物：最多照扣我啲糧
20151212
東網電視
更多新聞短片
梅媽表示會委託大孫競投阿梅的遺物，更叫歌迷唔好同佢爭。
梅媽（覃美金）得悉已故巨星愛女梅艷芳（阿梅）的貼身內衣褲遺物被放上網拍賣大感痛心，直斥是侮辱女兒阿梅，並喊：「好肉酸！」梅媽今日主動打電話給《東網》記者哭訢，表示誓要競投得阿梅生前的內衣褲、登台的Bar Top、新秀冠軍及金像獎「最佳女配角」之獎座，她說：「我一件阿梅遺物都冇，今次一定要買番晒返嚟。（你有錢買？）我冇儲蓄，等銀行幫我畀，最多扣埋我啲糧（每月三萬元的生活費），總之我一定要買到。」
呼籲歌迷唔好抬價
梅媽更呼籲歌迷不要抬高價：「唔好同我搶，我連一張阿梅膠碟都冇，唔好理我百年歸老點處理係一件事，我依家就要競投。」問到她想投得的遺物總數可能要花上數十萬，梅媽即說：「畀囉，叫銀行畀，最多照扣我啲糧，已經扣到冇得扣啦，有良心佢就扣囉。」
長開冷氣保存阿梅登台衫
梅媽忍哭說：「你知唔知，我屋企依家有間房係放阿梅初入行登台着過啲衫同飾物，啲篋同籠都有廿幾個，日日開住冷氣，單係冷氣費要幾千蚊，呢啲邊個知？同埋阿梅細個啲衫同家姐（梅愛芳）啲衫，依家都放埋一齊擺喺間房到，所以唔該各位歌迷唔好同我搶，我一定要買到，我會叫我大孫幫我去投。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：