雨僑預告約滿離巢唱片公司　全力拍戲

歌手雨僑出席其任網上遊戲image girl的活動，她稱遊戲是幫女仔扮靚。問到男友羅力威可有玩埋一份？雨僑笑言：「冇喎，扮靚game喎，我身邊啲男性朋友就好少玩嘞。」

澄清冇爭資源

講到同唱片公司的關心妍有傳不滿資源落在鄭欣宜身上，決定約滿離巢？雨僑謂：「我就搲晒頭，因為我同欣宜歌都係蕭生（老闆）嗰邊搞，所以冇話爭唔爭資源，冇呢個問題，但我自己就真係約滿離開唱片公司（Neway Star）嘞，因我主綫唔係放喺唱歌，我都係由經理人公司做番覺得適服啲感覺，但對唱片公司由唔係表示不滿，只係試咗呢兩年都覺得唔係咁適合啫，至於關家姐更加唔會話我哋啦，我啱啱先做完佢澳門演唱會嘉賓，佢對後輩好好㗎。」

雨僑稱與唱片公司將十二月約滿，會好開始好結尾，之後唱片都會交會經理人公司負責，其實對唱片並非不重視，但因明年都有幾部電影要拍，所以都是唱下拍下，其實七，八年以來都是自己唱自己歌，活在自己世界不問世事。

夾中間左右做人難

至於王宗堯和莊思敏（Jacquelin）炒大鑊，雨僑表示與Jacquelin合作節目《姊妹淘》，有好close感情，見到她不開心，更從來未見過她喊，她謂：「見到佢喊喊豬咁，有安慰佢，但成件事誰是誰非就冇興趣去知。（咁同王宗堯熟唔熟？）我哋都ok，今次真係左手又肉，右手又肉，我同佢有合唱歌，對我都好好，而同Jacquelin就真係傾啲女仔嘢。（唔知幫邊個？）唔係，兩個都冇要我幫，只係唔方便畀意見。」