王宗堯拋「足球論」暗寸莊思敏

藝人王宗堯日前與同公司的莊思敏隔空對罵，宗堯一臉倦容出席聖誕活動，與小朋友一同炮製班㦸，有備而來的宗堯首度回應對罵事件，句句有骨兼寸爆對方，更以「足球論」比喻，問到其心情？宗堯說：「真係想講粗口，已經收斂咗，冇辦法，唔想畀人覺得做新聞，劇組就好似足球隊咁，講Team Work，曼聯有費爵爺（費格遜），係佢領導下有七小福，有唔同崗位，前鋒、中場、後衛，叫你打後衞走去做前鋒，影響球隊士氣，冇一個球星大個球隊，而球星係咁惟有自我放棄，好似碧咸咁。」

問到所指的自我球星是否莊思敏？宗堯說：「唔係講佢，球隊踢得好自然有觀眾、有票房同入座率，領班都想場波好睇同支持我哋，我哋唔係踢中超，唔踢假波，我哋做實事。」

再寸對方唔專業

王宗堯再三強調不是做新聞，又否認遭老闆蕭定一「照肺」，宗堯說：「冇照肺，我仲喺劇組，我講嘢係理直氣壯。」對於莊思敏表示與他不是朋友，宗堯寸爆說：「呢啲嘢唔講得出口。（話你斷人衣食？）我唔知點叫斷人衣食，我有睇網民留言，話佢多棲多產，有家底，好難斷。」問到爆出事件後有否聯絡對方？宗堯說：「佢都畀晒whatsapp你哋睇，我好尊重老闆，導演、監製有好溝通。」由於莊思敏表示戲中不是做記者，故與他沒有對手劇，宗堯再寸爆對方不是專業演員：「叫佢返去熟讀劇本先啦，我係專業嘅，老闆決定維持原判，後衞堅持打前鋒，其他球員為場波好都會補位，要有團結精神，唔好畀球員自我放大。（踢得唔開心？）如果場波踢唔好一定唔開心，不過要聽教練講，大家都唔想輸。」

王宗堯連番串爆莊思敏，對於對方指有意戴假髮及噴黑彩遮掩其金色髮，問到宗堯是否不滿對方金髮拍電影《導火新聞線》，他說：「冇啲咁嘅事，可以戴假髮同噴黑彩，出到嚟實唔實淨大家有眼睇，我唔評價，唔想再提畀人覺得做新聞，《導火》係大家嘅心血，唔想對罵、是非。」記者笑他好委屈，宗堯有骨說：「唔委屈，最緊要唔好打假波。」問到擔心拍戲時會面左左，宗堯暗串對方整容：「冇，正常禮貌係要嘅，我係人嚟㗎，純天然，有表情做到出嚟。」他承認?模女友黎紀君有安慰，宗堯說：「好多人都有安慰，我會覺得大家都會，唔講話偏激，大家有眼睇，有啲嘢唔需要太過火。」

莊思敏：我唔需要對號入座

對於王宗堯暗寸，莊思敏回應《東網》表示：「我唔會再對佢講嘅嘢作任何回應。（覺得佢好小氣？）我冇必要講佢。（因為蕭定一下令你哋封口？）係，咁由佢講，我對佢嘅嘢冇回應。（聽到會唔會唔開心﹖）冇乜嘢，覺得冇必要單單打打，我唔需要對號入座，除非佢講到好白，總之我尊重老闆嘅意思。（想對方收聲？）唔係我講就得，老細都想佢收聲，我控制唔到。（覺得佢咁樣係宣傳？）明眼人睇得出。」

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

http://on.cc/redirect/entertainment