鄧兆尊唔敢結婚唔要家產：最好祥嫂使晒

藝人鄧兆尊出席活動任司儀，見兆尊染了一頭白髮，是否太多「煩惱」？兆尊笑言：「冇煩惱！」問到可有聯絡母親祥嫂？兆尊謂：「冇，邊敢呀，唔好啦。（祥嫂話自責冇好好教育仔女，搞到變紅衛兵？）我唔知咩係紅衛兵，我諗我冇做過紅衛兵做嘅事，係做普通仔女做嘅嘢。」

單方面難修補關係

祥嫂稱新年只有兆榮去見她？兆尊即言：「梗唔係啦，次次都成班人入去。（對祥嫂咁講會唔會好突兀？）唉．．．控制唔到喎，盡量輔助啦！（應該修補吓關係？）關係唔係單方面可以修補到。（大家相處有問題？）唔敢講有冇問題，正常仔女做嘅嘢，但苛刻嘅嘢好難做。（點苛刻？）好難講，每個家庭都有佢嘅問題。」

未聽過祥哥祥嫂「跳樓」

再講到祥嫂又重提祥哥爛賭，兆尊則言不應再講不在世的人，何況每個人總有好和不好的事，又指祥哥賭錢又影響不到人。祥嫂說因祥哥欠賭債差點走投無路而和她跳樓？兆尊即瞪大眼謂：「我未聽過，但我見過好多大大張五百蚊紙，大大疊放喺床上面，我梗唔敢攞啦，但第二朝就會唔見晒，講走投無路，屋企唔係好大，成日走嚟走去。」

有陰影唔敢生仔

對祥嫂批評兆尊女朋友，兆尊謂：「咁下次我識男朋友囉！（爆你有三個女友？）唔止，每個人身邊都好多男女朋友啦，企埋唔一定係女朋友囉！」問到現可有結婚對象？兆尊謂：「唔會結婚，邊敢結，一陣又走投無路，有陰影㗎，小朋友都冇諗住要，我依家都有幫侄仔補習啦。」被問到祥嫂曾揚言捐身家不留給子女，兆尊即言：「千祈唔好分畀我，最好佢自己使晒，最唔鍾意屋企留嘢畀我。」

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！

最強娛樂APP「東網巨星」下載連結：

http://on.cc/redirect/entertainment