林峯想效法張學友做音樂劇

歌手林峯接受電台訪問，講到他相隔兩年多重返樂壇，問到現時經理人公司和唱片公司同屬英皇的他覺得跟之前有何分別？對此他坦言：「可以更隨心所欲喺音樂同大銀幕作新嘗試，好多謝楊生（楊受成）同大哥（吳雨），畀好大發揮空間我，亦畀好多資源支持我。」

問到現時還有甚麼想嘗試？他表示想做音樂劇：「因為集演、唱、跳於一身，我呢十幾年就係做呢啲嘢。我好佩服張學友，佢套《雪狼湖》好勁，用廣東話去做，啲歌仲要好聽同有好劇本，覺得音樂劇仲難過演唱會。（楊生知未？）等我先做好手頭上嘅工作，因為我出年都要開演唱會。」