【全場歡呼】洪永城攞男飛躍　唐詩詠勁冧

輪到頒男飛躍，今次都係玩心跳，不過今次接受心跳測試嘅係候選人揀嘅「另一半」。洪永城作出選擇時，司儀問佢揀黃翠如定唐詩詠，佢竟然呆咗一呆，連旁人都戥佢肉緊話：「呢個時候，你唔係仲要諗呀嘛！」結果，洪永城終於講咗唐詩詠個名出嚟。之後，吳業坤都揀咗黃翠如上台。

心跳結果一出，翠如同唐詩詠大比數「領先」，司儀問翠如點解咁緊張，坤哥竟笑言：「畀人知道咗添。」而翠如則顯得相當緊張，講咗好耐先話：「我其實血壓低㗎。」搞咗一輪後，最終由翠如做頒獎嘉賓，佢好小氣咁話：「舊年我攞獎，有個人到依家都未恭喜我，佢係洪永城，所以我唔會讀佢個名出嚟。」之後，翠如得知結果時，即與詩詠開心些牙結果，而詩詠亦欣慰點頭，此時司儀提醒翠如BB要將結果讀出嚟，翠如即說：「係唐詩詠隔籬嗰個。」之後頒獎嘉賓即變成唐詩詠，並由她頒獎給洪永城，而唐詩詠則露出一個既安慰又想喊又冧爆嘅複雜表情，洪永城亦顯得怕醜，並謂：「估唔到由你頒畀我。」全場即歡呼，場面好感人！

對陳展鵬又愛又恨

洪永城得獎感言如下：「好多人由頭到尾都以為我淨係識做主持，依家係一個演員身份，好多謝珍姐，好多謝第一次用我嘅監製方俊釗，仲要多謝又愛又恨嘅陳展鵬，係你帶我學演戲，希望你今晚拎埋視帝！」

眼泛淚光感激女友

洪永城又似是若有所指地感謝女友唐詩詠：「既然多謝咁多人，緊係要多謝埋最親嘅人，唔係今晚好大鑊，要返屋企跪玻璃！多謝嘅同時又要講對唔住，依陣子好忙住做嘢，陪唔到最愛嘅親人！」說畢即眼泛淚光。

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

http://on.cc/redirect/entertainment