阿田奪最受歡迎角色　嗚咽替無綫平反

田蕊妮憑《鬼同你OT》的孫淑梅奪得「最受歡迎電視女角色」，佢上台攞獎時攬勻頒獎嘅陳展鵬同黎耀祥。佢發表得獎感受時聲音顫抖：「第一次做喜劇，多謝大家鍾意呢個角色。最近好多人話無綫劇追唔上潮流，我覺得事實係拍一百部，唔會一百部都係經典，但事實係每個工作人員，都好珍惜機會，包括演員。所以每人攞獎都有開心，因為我付出過，努力過。」之後佢逐一多謝要多謝嘅人：「要多謝陳豪，胡定欣，特別係胡定欣，因為冇姜蓉，就冇孫淑梅。」