視后定欣多謝爸媽體諒：佢哋叫我做嘢先

出爐視后胡定欣憑《鬼同你OT》大熱封視后，她直言是意外收穫，沒有想過自己真的會得獎，因此沒有叫父母及男友撐場，她說：「希望有下次機會啦！多謝傳媒話我係大熱！（男友知你得獎？）佢知，佢有睇電視。（點幫你打氣？）佢朝早有攬咗我一吓，叫我Good Luck。（點慶祝？）可能有好多飯局，但未知。」

定欣又特別多謝父母體諒，提到雙親一度哽咽：「我平時冇咩時間照顧佢哋，我頭先打畀爸爸，佢話明白，仲叫我做嘢先。」提到在《衝上雲霄II》中吳鎮宇的角色與她飾演的角色的關係猶如兄妹，吳鎮宇以「哥哥」身份在facebook說：「恭喜阿妹！2013的問題，今年有答案了。」定欣笑言一頭霧水，但笑說：「多謝佢一直支持我，不時喺訪問度讚我。」