【動感十足】狄易達開騷自嘲唔夠人勁

20151214
東網電視
更多新聞短片
粉絲盡興而歸。
歌手狄易達在九展舉行演唱會,獲多位圈中人到場支持,如JW、蔚雨芯、張惠雅、天堂鳥、羅力威、何浩文、陳詩欣、張子丰、A2A、林奕匡、黎曉陽、羅明珠等人到場支持,而達仔台灣女友吳亞馨亦有現身撐場。
甫開始身穿灰色大衣的達仔以慢歌出場,之後唱Michael Jackson的《Billie Jean》,大跳MJ舞步,唱到《明日之謎》時,又擒上舞蹈員的膊頭,之後一躍而下。而唱到《人車誌》時,他腳踏風火輪(電動平衡車)出場,之後達仔又被兩名舞蹈員抬高坐膊頭。
之後他在台上跟大家談天,有粉絲叫他除衫,他即笑言:「我都想除,希望有日可以喺紅館除。今日係第一場,亦係最後一場,希望大家走咗之後都記得今晚惟一嘅一場,今晚係我第二次開騷,係重大嘅時刻,上次係新光開,今次就面對3,000人,感覺好唔同。」
然後唱到《逃避現實》,達仔跟女舞蹈員大跳雙人舞,期間達仔跪低,兩人又輪流從背後抱對方,但動作都只是點到即止,未知是否怕女友呷醋。之後達仔在台上換衫,講到入行後試過一段時間很迷惘,因為有人跟他說不要只唱快歌,但亦有人愛聽他唱快歌,故他決定堅持唱跳舞歌,接着他亦有感而發:「發覺唔識做大家心目中好勁嘅歌手,係咪一定要返大陸拍劇?或者全身名牌?我唔係好識分,所以淨係做番自己就好開心。」此番話不禁令人聯想到當年同期出道、但現時在內地爆紅的陳偉霆。