莊思敏崔碧珈陳婉衡晒胸器MK行Catwalk
20151214
東網電視
更多新聞短片
左起：莊思敏、崔碧珈、陳婉衡一齊喺MK拍攝《PG戀愛指引》。
藝人莊思敏、陳婉衡、崔碧珈同岑日珈昨晚10點喺旺角亞皆老街，拍攝由葉念琛執導電影《PG戀愛指引》。四人打扮成「啤酒妹」大晒胸器兼索腿行「街頭Catwalk」，吸引到唔少途人眼望望。
近日成為新聞人物的莊思敏，因同時接拍《導火新聞線》，被同公司藝人王宗堯指在檔期、髮型及造型上未能配合《導》片鬧佢唔夠專業，並與莊思敏展開罵戰，女方更曾在傳媒面前喊爆兼指男方「斷人衣食」。之後，兩人嘅老闆蕭定一有見及此，仲下令兩人收口，不過王宗堯出席活動未見收口，仲以「足球論」暗寸莊思敏。
心情靚同人吹唔停
昨晚睇嚟莊思敏心情唔錯，完全冇影響到佢喺街上拍攝進度，染咗一頭金髮嘅佢拎住支煙喺馬路行，完全融入咗MK呢個地方。而拍攝完畢時，佢仲周不時同身邊嘅人吹水吹唔停。之後見有空檔，莊思敏就走咗去附近報紙睇玩具，仲拎上手玩幾吓。而喺現場有粉絲認得佢時，心情靚嘅莊思敏又笑晒口同人合照之餘，又開心對住記者鏡頭舉V。
晒深坑途人喪望
另外，同場嘅陳婉衡、崔碧珈同岑日珈一樣化身為「啤酒妹」喺旺角街頭上行Catwalk，大騷「胸」器，途人見狀更懶理有鏡頭影緊，直頭企定定望個夠。當拍攝完幾個場口後，岑日珈、陳婉衡同崔碧珈就着番件外套保暖睇Playback，岑日珈更飲番杯暖水暖身添。
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：