北京霧霾　余文樂彭于晏口罩不離身

近日北京受霧霾侵襲，正身在當地拍攝新片的余文樂，要好似北京居民咁日日夜夜戴住口罩，佢就拉咗兩位拍檔彭于晏同倪妮一齊合照放上微博，並留言：「三個瘋子」。

相中見到彭于晏戴住最高級防護口罩、樂仔個口罩級數就低啲，不過都有戴口罩，反而唯一一位女士倪妮，就連口罩都冇戴，有網友就話余文樂同彭于晏都唔算瘋子，喺北京咁惡劣天氣都可幾唔戴口罩嘅倪妮先至稱得上係瘋子。