失落視帝贏粉絲 陳展鵬2016再努力

20151214
東網電視
更多新聞短片
陳展鵬(中)雖然失落視帝,但就有一班粉絲默默支持佢!而同樣失落獎項嘅張繼聰同楊秀惠都感滿足!
無綫《萬千星輝頒獎典禮2015》噚晚圓滿落幕,賽前為視帝大熱嘅陳展鵬,最終只奪得最受歡迎電視男角色獎,與視帝寶座擦身而過,而佢今日凌晨喺微博上載手執獎座嘅相,並留言感謝粉絲嘅支持:「2016,我再會用行動報答大家,尤其我的fans,你哋辛苦啦!」似乎展鵬冇受失落視帝影響喎!
張繼聰「大」口氣
而擠身視帝最後五強,但同樣失落視帝嘅張繼聰,亦發文感謝大家嘅支持,仲話會努力拍更多好嘅作品:「多謝每位投票給我收規華的朋友,感激大家!我會繼續努力,拍d(啲)勁野(嘢)比(畀)你地(哋)嘆(歎)下!唔係咩呀!」
楊秀惠獲提名感滿足
至於憑劇集《鬼同你OT》性感演出而大受歡迎嘅楊秀惠,雖然噚晚食白果,不過佢對於得到提名感到好鼓舞,並留言:「雖然今年無法憑《鬼同你OT》Lolita得到任何獎項。但能被提名『最佳女配角』&『最受歡迎女角色』已非常開心,謝謝監製及《鬼同你OT》一班台前幕後同事,明年我會繼續加油努力的,恭喜今晚各位得獎的演員們!」唔少網友都鼓勵佢繼續加油,拍更多好作品,下年再接再勵!
最強娛樂APP《東網巨星》,除咗特備遊戲節目《巨星放題》外,每個禮拜都仲有好多其他精彩娛樂節目。預知未來,相信好多人都希望做到,《東網巨星》APP其中一個重點節目《玄學星相》,除咗教識大家點樣催吉避凶,仲會以玄學角度,幫大家八盡每周娛樂熱話㗎!
最強娛樂APP「東網巨星」下載連結: