【世紀合照】秋生攬陳凱琳破冰
20151214
東網電視
更多新聞短片
攬攬當冇事發生～
每年嘅無綫《萬千星輝頒獎典禮2015》都係城中熱話，今年亦都唔例外，好似藝人陳凱琳（Grace）尋晚勇奪「飛躍進步女藝員」獎時，竟然係之前曾公開批評佢嘅黃秋生負責頒發獎項，連網友都笑言唔知係巧合定佢哋真係好有緣！
Grace今日喺Instagram上載二人合照，見到佢哋都笑容滿面，秋生仲親暱地輕攬Grace嘅纖腰，就知佢哋絕無芥蒂啦！Grace好感觸咁留言話自己仲有不足，感謝所有幫助及鼓勵佢嘅人，亦都好識做咁再次感謝粉絲同屋企人嘅支持。而同Grace合作過嘅傅嘉莉都有恭喜佢得獎，仲留言話佢值得拎呢個獎：「Big congrats to beautiful 妹頭， I was touched by your speech on stage ， you deserve it ! （恭喜靚靚妹頭，你喺台上嘅一番感言打動咗我，你值得拎呢個獎！）」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：