黎耀祥力數頒獎禮食炸雞三大好處
20151214
東網電視
更多新聞短片
就係第一，可以幫補生計，第二係有嘢食，第三係有輕鬆位。
藝人黎耀祥到天后出席劇集《財神駕到》煞科宴，他稱黃秋生獲頒視帝實至名歸，他說：「我對賽果覺得開心。（老婆同仔有冇安慰你？）冇，我哋都估到晒賽果，咁樣係平衡咗好多關係，最好選擇，秋生又舞台劇帝又影帝，如果頒畀我，我都手震啦，所以我冇失望，而且《梟雄》都攞咗最佳劇集。（食飯慶祝？）未知，秋生攞獎，希望佢搞啦！（希望今後都有大卡士參與拍劇？）梗好啦，觀眾同演員都需要刺激，多啲高班、超班嘅人參與，對電視質素都有提升，演員都會遇強愈強。」
讚阿姐地位超然
提到羅家英暗示汪明荃失「視后」感失望，祥仔表示：「汪明荃嘅地位已經超然，家英都係愛妻心切啫，頒獎典禮最緊要開心，正如我喺opening講大家都好努力做，邊個攞都戥大家開心，雖然我係讀稿，但篇稿寫得好好，我都戥胡定欣開心。（有指定欣做女主角機會唔多？）佢嚟緊都係做主角，我都係第二次做主角嘅《巾幗梟雄》攞獎，演戲唔在乎多與少。」
「下次唔知食乜」
祥仔又大讚節目中的食炸雞環節，他說：「條橋幾好，生意難做呀，幫補吓都要，又有嘢食，又有輕鬆位，咁個節目先好睇。上次台慶食pizza，今次食炸雞，下次唔知食乜呢？如果打邊爐應該幾爆。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：