讚Bobby福將 胡定欣奪后唔想嫁

20151215
東網電視
更多新聞短片
胡定欣感謝歐陽震華鼓勵,就算點忙都會請Bobby食飯。
出爐「視后」胡定欣在將軍澳電視城為新劇《一屋老友記》拜神,得獎後她立即投入工作。問興奮心情是否已經平伏?她說:「OK!收到好多祝福,尋日不停覆電話,攞獎後都重溫番攞獎片段,睇番自己個傻樣,自己都睇到眼濕濕,朝早六點瞓,九點已經開工。(男友呢?)佢都戥我開心、好感動。(男友有咩表示?)冇,原本慶功我請食飯,後來佢去咗埋單。(下一步係咪結婚?)冇打算,攞完獎更加要努力拍劇,唔係唔應該結婚咩?公司畀咗好多機會,都要努力做嘢。」
胡定欣又透露與歐陽震華(Bobby)的一個小故事,她說:「嗰陣拍緊《鬼同你OT》,有晚有啲唔如意,撞到Bobby,佢鼓勵我話睇好我,叫我畀心機,話呢一兩年係我,佢真係好Lucky。」定欣指隨後要接連請朋友食飯慶祝,認為是福氣。
羅家英氹老婆有法
講到羅家英為太太汪明荃(阿姐)失視后大呼不值,定欣則說:「我相信阿姐冇唔開心,阿姐一向好提攜後輩,我諗係家英哥好Sweet咁氹阿姐開心啫。」
向黃宗澤送上慰問
談及黃宗澤父親離世?胡定欣愕然,並說:「唔知,嗰晚頒獎未完,佢已經話有事要走先。Bosco好孝順,希望佢節哀順變,take care!」