千語送數千元拖鞋賀牛一　林峯：貴咗啲

藝人林峯以歌手身份出席電台訪問，帶來親手炮製的朱古力派給大家吃，他謂：「係前日整嘅，整咗大概6、700粒，因為啱啱派新歌《Heart Attack》，所以就諗住趁聖誕節送啲朱古力入直播室Heart Attack佢哋。」

派歌派埋朱古力

這不是林峯首次做朱古力，因市面上的朱古力偏甜，所以他才自製減少糖份的朱古力。問是否和女友吳千語一齊整？林峯說：「自己整，係跟甜品師傅學。（冧女招數？）唔係啦，我Kai（傻子），點識呢啲，拍戲啲嘢唔好信。」講到在英國和女友千語慶生，林峯說：「唔係特登去過生日，我係有啲嘢要傾，而佢又啱啱拍完套戲。」

另外，講到周日無綫舉行《勁歌金曲頒獎禮》，有指張敬軒和周柏豪爭「最受歡迎男歌星獎」，林峯說：「兩個我都friend，一個同公司、一個係期出道新人，兩個邊個攞都開心。」

與千語愛得Deep

問千語送上價值數千元的「拖鞋」是否特別舒服？林峯笑說：「我都覺得會唔會貴咗啲，但啲質料同款式係唔同啲，個款跟本唔似拖鞋。（係咪情侶拖鞋？）我哋唔係咁表面嘅，好Deep同有層次，情侶裝唔使一模一樣，有Style襯就得。」

尊重英皇工作安

另外，有傳林峯推掉與張家輝、古天樂合作拍片，原因是當配角？林峯坦言：「喺年幾前已經搵我，當時都未知有乜卡士，當時我未喺電影方向發力，都係搞緊音樂，尊重英皇安排工作，所以當時冇答應。」