李冰冰發燒不忘學英文　生字貼滿電視框

內地女星李冰冰早前去到澳洲為荷里活新片開工，點知一到埗就病倒，仲持續發高燒16日，病情反覆嘅佢近日連夜飛返內地就醫，冰冰嘅好友黃曉明同內地造型師張帥仲第一時間趕去醫院探佢，相當有心，張帥仲透露病緊嘅冰冰吊住鹽水都繼續學英文，佢上載冰冰吊住鹽水嘅手，仲有貼滿英文生字嘅電視框，留言話：「生命不盡，你就拼了，打著（着）點滴學英語，發著（着）高燒背單詞兒，服了，快點好吧頭暈不好背單詞兒！快退燒吧」網民見到都叫冰冰要休息多啲啊!