吳業坤同龔嘉欣係姊弟：唔超越倫常關係

緋聞情侶吳業坤及龔嘉欣於大窩口出席處境劇《愛．回家》宣傳活動，吳業坤回應與龔嘉欣傳緋聞時，全程表現尷尬，指二人非「情侶檔」是「姊弟檔」，又指嘉欣在戲內戲外都十分照顧他，指二人只是「情同姊弟」，可能令大家會錯意以為二人拍拖，又叫嘉欣：「家姐你幫我答啦！」嘉欣就笑謂：「有咩理由叫個女仔擋㗎！」她指二人是很close的朋友，目前仍未「過電」！

吳坤業自嘲配唔上任何女仔

至於嘉欣是否吳坤業喜歡的類型？他說：「我睇啲報道我好似唔符合佢條件。（咁無信心？）我依家配唔上任何女仔，事業啱啱先起步，呢啲嘢係人生另一階段。」嘉欣又指當朋友知道她與吳業坤傳緋聞時表現驚訝，直指：「啲朋友話唔係吖嘛！佢哋熱烈討論！」吳業坤則說：「啲小學同學就話正呀！」

而二人是否有可能發展？吳業坤表示：「目前未能定奪，但唔知邊日黐咗邊條線就可能會，依家係姊弟，唔可以超越倫常關係！」他們實際年齡只差幾個月，吳業坤笑指二人並非年齡問題而是輩份問題！嘉欣即時表示：「你咁講咩意思呀！你啲History又點呀？」吳業坤就謂：「你知㗎，謝安琪、周秀娜、黃翠如囉！」個個都係靚女！

嘉欣又解釋對方有照顧她，指他會請食飯、做司機，記者即向吳業坤表示他正追求龔嘉欣，吳業坤：「我對我阿妹都係咁啦，你睇我爆晒拆咁，就知我乾燥啦！」

談到《愛．回家》的原班人馬劉丹等回歸劇集，會否擔心戲份被分薄？嘉欣謂：「我多咗陳國強做爸爸，處境劇係要豐富啲先開心啲，公司畀多啲機會新人！」

二人受訪後合照，即被其他演員起哄「抱起佢」，黎諾懿更謂：「無嘢就嘴埋去啦！」二人即表現尷尬。其後二人上台玩爆波波時，被劇中演員要求面對面玩，不過二人唔肯，只好尷尬背對背，但表現得十分尷尬又面紅。

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！

最強娛樂APP「東網巨星」下載連結：

http://on.cc/redirect/entertainment