與男友被合體 胡定欣唔准陳明道求婚
出爐視后34歲的胡定欣現身「老竇」單立文及「哥哥」李思捷下月舉行的演唱會加場記者會，由於其男友陳明道（Terry）是個唱樂手之一，大合照時兩人刻意分開站，最後由李思捷出手兩人才「合體」。記者要求兩人合照時，男方火速衝入後台，掉低女友應付記者，定欣攬晒上身說：「係我怕醜。」
一直獲楊怡支持
將擔任個唱嘉賓的定欣，坦言屆時是與男友首次同台，問到男友會否趁機向她求婚？定欣極大反應說：「冇啲咁嘅事，唔准佢咁諗，做嘢還做嘢。」隨即表示會與單立文老婆胡蓓蔚上台唱歌。對於被傳與楊怡不和多年，定欣說：「冇乜介懷，因為報道不實到不實，楊怡一直都好支持我，今年佢畀咗好多信心我，私下亦有短訊我。（報道影響友誼？）完全唔會。」
望陳國邦成男主角
至於有傳無綫戲劇組高層權力爭鬥而「變天」，定欣表示會聽從公司安排，她說：「每個同事都盡力。」並透露檔期排到明年六月，亦末有劇集被抽起，與陳國邦合作多年的定欣表示從報章得悉對方回歸無綫，他說：「有睇新聞，冇問詳情，希望佢返嚟啦，我好尊敬佢。（畀人話佢食回頭草？）唔好咁諗，邊到有機會咪去邊到做，希望有一個男主角畀佢。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：