林盛斌開騷被玩嚇到底褲濕晒:差啲標屎

20151220
東網電視
更多新聞短片
阿Bob開騷,點知畀周柏豪同Kevin仔夾計玩,即場嚇到呆晒。
一連兩場的《Bob's Up伊館2015》完滿結束,昨晚尾場引來一班圈中好友如謝安琪、張繼聰、薛家燕、胡定欣等捧場,歌手周柏豪及C AllStar則任嘉賓,前者更聯同「玩爆你個腎」成員Kevin仔玩謝主角林盛斌(Bob),話說柏豪於獻唱完畢後從台前的升降台下降入後台,期間升降台出現固障「唔上唔落」,但此時台下卻傳來慘叫聲,有工作人員表現緊張衝上台於Bob耳邊報告情況,阿Bob頓時嚇呆無晒反應,還未趕及回過神來,Kevin仔便衝上台,柏豪又不斷大笑,阿Bob才獲悉被玩,柏豪更謂:「我頭先驚過自己開concert,驚會話畀屋企人知,所以電話都閂埋呀!」阿Bob即笑罵眾人謂:「都真係玩到好大,好驚呀!我要隊冧晒你哋,搞到我底褲濕晒,差啲摽屎?!」及後阿Bob嘗試平靜情緒繼續演出,但之後仍不斷大呼驚驚,並笑謂:「你班死粉腸!」
我要報仇
阿Bob於完騷後接受訪問,坦言事前全不知情,故被玩時認真嚇餐死,又大讚柏豪演技太好,他謂:「我驚啲工作人員夾到手,當時個工作人員仲走埋嚟細聲叫我個騷繼續喎!但我心諗好唔好睇吓發生咩事,好在冇耐kevin仔就出現,我先知佢哋搞啲咁嘅嘢(搵佢哋報仇?)放心啦,一定,你做初一我做十五,頭號梗係柏豪(你忍得住唔講粗口?)咁多人面前唔會嘅,今晚好開心,謝安琪事前短訊我耍晒冧話嚟唔到,最後原來推咗個job嚟。」
感慨少時間陪家人
談到節目尾聲感慨甚少時間陪家人,首場喜見雙親捧場,但卻發現他們蒼老不少,Bob謂:「係呀,因為呢年都係造節見到幾次,所以我唔想miss之後聚會嘅機會,希望多啲時間陪佢哋(會唔會放假陪家人?)呢幾日都有嘢做,聖誕節有一日假,但好大鑊未訂枱,可能到時喺屋企過。」
最強娛樂APP《東網巨星》,除咗特備遊戲節目《巨星放題》外,每個禮拜都仲有好多其他精彩娛樂節目。預知未來,相信好多人都希望做到,《東網巨星》APP其中一個重點節目《玄學星相》,除咗教識大家點樣催吉避凶,仲會以玄學角度,幫大家八盡每周娛樂熱話㗎!
最強娛樂APP「東網巨星」下載連結: