千語要求高　讚男友得一個「好」字！

藝人吳千語以遊戲代言人身分出席活動，透露男友林峯是「機王」，她說：「佢成日畀人影到拎住個電話，話send message畀我，其實佢係打緊機。佢好鍾意打機，我都鍾意，大家各自玩，不過食飯盡量唔睇手機，如果唔係大家就冇交流。」

在台上司儀稱讚林峯玉樹臨風，問千語是否認同？她頓了一會說：「嗯，我都係最近先知佢個歌迷叫呢個名，不過我覺得內涵緊要啲。（咁佢有冇內涵？）嗯，唔想講，好肉麻，不過佢個人好有耐性，對朋友同家人都好好。（對女友呢？ ）一個字『好』，呢個世界冇好好。」她表示男友聖誕要工作，她會相約朋友慶祝，記者取笑二人似老夫老妻，她笑說：「都（拍咗拖）幾耐喇！（結婚？）咁又未諗到，太遠！」