阿叻遭圍剿　秋生踩多腳：佢最勁含水噴人

黃秋生對於陳百祥（阿叻）在訪問節目中發表偉論，結果惹來網民圍剿，秋生接受電話訪問表示：「阿叻畀人玩啦！嗰兩個主持人整鬼佢，搞到佢講到亂晒大籠，進退失據，佢都算牙擦，但今次老貓燒鬚。（點睇佢話人考唔到12A、入唔到8間大學？）我阿婆都係咁講嘢！你考第三，佢就話你考第一至講，到你考第一，佢話入到大學先算，到入到大學，佢又話你做到總統先講，梗有得講嘅！（你印象中阿叻有咩叻？）佢最叻咪係台慶含住啖水噴祥仔（黎耀祥），噴到人一面都係，仲想重施故技，佢當個個都傻！不過，佢幾廿年都係咁，角色好統一！」