林峯話同古天樂再合作有新鮮感

藝人林峯接受電台訪問，講到有指他有份主演的《使徒行者》開拍電影版，他表示劇集播出時，其實他已收到消息要開拍電影版：「但我好早已經推咗，因為喺觀眾角度考慮，佢哋係咪會滿足於短短兩個鐘嘅電影呢？我覺得唔得，我認為開劇去延續個故事可能會更好，點知話口未完，就收到消息想做網劇。但都要睇時間，因為我出年4月尾會開演唱會，而且我一直都有收到內地劇嘅劇本，依家都要推晒去演唱會之後先做，因為我唔想分心。（但你之前同古天樂食飯係傾拍《尋秦記》電影？）係有講過，都有同老闆傾過，咁點解《尋秦記》會唔同呢？因為佢本身係由長篇小說改編，所以就同普通電視劇唔同，如果開拍電影係可以吸引埋書迷去睇，同埋十幾年前同古仔合作過，所以再合作番應該都幾新鮮。」