吳業坤攞獎冇多謝　龔嘉欣嬲豬？

吳業坤尋晚喺勁歌金曲頒獎禮因為攞獎太感動，喊到眼鏡起晒霧，凌晨時份佢再甫自己爆喊相自抽，真係勁搞笑！今朝晨早流流佢又起咗身，仲為自己搞咗個「盛大」嘅慶功宴，主菜就係一籠燒賣，fans都留言笑佢係咪真係咁鍾意食燒賣！

而緋聞女友龔嘉欣唔知係咪嬲吳業坤冇公開多謝自己，好似心情唔多好咁，佢喺instagram甫相留言：「要跌過痛過，才能成為更堅強的自己，但緊記不要重複犯錯，不然那只會是原地踏步，我仍在學習中。」哎呀，吳業坤快啲氹番人啦！

另外，尋日同樣得獎的狄易達被網友質疑「吓？」咁都有獎攞，佢喺社交網發文話：『吓？』得很好　各有各追隨　我有我風格」似乎攞呢句說話自勉。

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！

最強娛樂APP「東網巨星」下載連結：