唔會退休未有去向 家寶望再同亞視合作
20151221
東網電視
更多新聞短片
葉家寶相約一班好友食飯，慶祝官司完結，但佢就話未知去向！
葉家寶早前已辭任亞視執行董事，據知月中更辭去高級副總裁職位，扣除假期預計在聖誕前後將會離開亞視。據悉，為欠薪官司身心疲憊的家寶先會放一個悠長假休去旅行充電，也有指不少香港及內地的大公司有意聘用家寶，但他打算休息後再重投工作。
「60歲先係人生開始」
另外，葉家寶晚上相約一班好友包括朱慧珊、張家瑩、蔡國威、劉錫賢等在黃埔慶祝官司告一段落，葉家寶表示：「官司完結咗，所以請咗部份朋友、同事嚟食飯。（亞視做到幾時？）自己好多假，要等公司審批假期，都想公司運作順利。（唔捨得？）當然，好懷念，希望公司前景好，長江後浪推前浪，公司一定有好發展，希望將來有機會再合作。（有乜打算？）未有，休息吓去旅行先。（會唔會退休？）未，我仲咁後生，60歲先係人生開始，去下旅行探親，永遠有朋友、親戚地方先值得去，去探親又有地方住、又有人請食飯可以慳錢，去做吓皇帝好好享受吓。」
張家瑩朱慧珊贊成葉家寶繼續做
張家瑩被問到可知葉家寶甚麼時候離亞視？她說：「唔知佢做到幾時，點都好，佢係我好尊重嘅前輩。（係咪唔應該退休？）唔應該，佢仲咁後生，年青力壯，有其他工作可以繼續做，呢行都需要佢呢啲人才。」問到朱慧珊會否不捨得家寶離亞視？她說：「我都離開咗，我哋喺外面都成日見。（覺得佢退休定繼續做？）佢好有才能繼續做好呀，等佢自己考慮。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：