林峯預告新碟唔唱慘情歌

藝人林峯接受電台訪問，自爆以前玩過山車試過連續玩廿次：「最後仲玩到嘔，但可能依家啲過山車仲勁，所以玩完一次就唔想再玩，同埋我依家好驚玩鬼屋，有次去玩low level嘅鬼屋我都好驚，但排我後面嘅外籍人士就零反應，所以我先發覺自己愈嚟愈驚玩鬼屋。」另外，講到他現時忙於製作新碟，他說：「成日畀人話我唱一啲死人塌樓嘅慘歌，搞到我嘅形象好似就係咁，但其實我係一個開心人，所以今次啲新歌全部都偏向正面，都係唔sad。」