又被野生捕獲　張栢芝勁親民孖粉絲合照

藝人張栢芝係圈中出名嘅「廿四孝媽咪」，工作繁多嘅佢一直親自照顧兩個囝囝Lucas及Quintus，早前仲透露今年聖誕會帶囝囝去外地旅行。而今日有網友喺網上晒同栢芝「集郵」嘅合照，相中嘅栢芝童心未泯，戴上卡通人物造型頭箍，仲好親切咁搭實網友影合照。原來栢芝近日帶咗囝囝去日本玩，率先過一個白色聖誕，栢芝仲為咗滿足熱愛卡通人物嘅囝囝，同佢哋去當地嘅主題樂園大玩一餐添！呢位網友其後更留言指栢芝相當親民，主動問佢要唔要影合照，令佢大為感動！