楊丞琳買聖誕樹過節　網友：李榮浩送的！

「又到聖誕，又到聖誕～」喺普天同慶嘅聖誕節，相信唔少人都為身邊嘅知己好友準備好聖誕禮物，台灣小天后楊丞琳（Rainie）都唔例外，佢早前已經為自己買咗一棵好似人咁高嘅聖誕樹，仲好心急一拎到返屋企就不停同佢合照！不過，睇嚟Rainie真係好鍾意聖誕樹，一棵唔夠，要買多棵，今次佢就上載咗佢同另一棵小聖誕樹嘅相上微博，仲留言話：「有點難以啟齒...其實，我還買了一顆小聖誕樹！」果然係一個內心深處收埋咗夢幻小女孩嘅女人！不過有網民就留言話：「我不相信，你不要說謊，一定是李榮浩送的！」更有大批網民希望Rainie今年聖誕要同李榮浩過喔！