郭羨妮晒同囡囡合照　網友讚靚爆！

無綫經典劇集《尋秦記》最近喺深夜時段重播，呢套劇亦係《東網巨星》App《重播你有Say》投票活動中嘅第3位，難怪一播出即引起熱議！

女主角郭羨妮嘅古裝造型「仙氣」十足，獲網友激讚！時隔十幾年，依家郭羨妮已經同内地武指朱少杰結咗婚，仲有一個囡囡Kylie。呢日郭羨妮上載自己同囡囡嘅自拍照，留言：「我和我的那位淘氣的小『天仙』。」相中可見Kylie遺傳晒郭羨妮嘅優良因子，天生一副美人胚子，網友都話「三歲定八十」，之後Kylie一定同媽媽一樣係大美女！