馬賽自設工作室　晒胸影相一腳踢

近年在港發展平平的馬賽為打出新血路，開始轉移事業基地，在北京開設「馬賽工作室」實行自己捧自己！為省靚招牌，日前馬賽在微博正式開戶並上載多張造型照！她為北上搵食可謂豁出去，不單每個造型都晒事業線騷胸上陣，拍攝期間更幾乎做埋攝影師，每個鏡頭都親自監督。要搵食，打通人脈玩埋堆當然重要，曾經與胡杏兒拍劇的馬賽，唔聲唔聲成為杏兒的好姊妹之一，早前杏兒和胡蓓蔚、胡定欣等到外地旅遊並搞婚前派對，馬賽都有份一齊去玩，杏兒更公開多謝她幫手策劃行程。