張明偉撐何傲芝　插「周先生」居心叵測

尋晚藝人周子揚表示與何傲兒（Lily）早喺9月已分手，言談間指有人苛索金錢。

身為何傲兒家姐何傲芝（Gigi）的緋聞男友張明偉就在facebook意有所指咁留言：「Merry Christmas Everyone!這幾個月發生了很多事，作為周先生同傲芝傲兒嘅共同朋友，我實在對周先生嘅言行非常失望。我認識嘅傲芝傲兒，都係刻苦工作嘅人，絕對有能力自給自足，唔會貪任何人一分一毫，男友亦唔例外。而本人亦跟何家從來沒有金錢上嘅來往。周先生喺喜慶節日刻意製造不實嘅報道，傷害朋友，有失風度之餘實在居心叵測。希望事件盡快告一段落。」

張明偉接受《東網》電話訪問時表示：「其實我都係考慮咗好耐先打呢篇文出嚟，我唔係想針對任何人，我都係平心而論咁講番件事出嚟，我都希望件事快啲平息。」