小花上位潮！網友勁Like《東張》新女

無綫劇集同節目雖然成日話網民鬧爆唔掂，兼且唔啱年輕人口味，但喺網上又經常有人討論，證明網友們口裏說不，身體卻很誠實，如果冇睇，又邊有得講呢係咪？！

近年，就有好多無綫小花紅爆網上討論區，成為宅男新寵，包括張秀文、陳婉衡咁，佢哋嘅共通點就係身材都一樣好好，而前幾日就有網民留意到《東張西望》播出嘅聖誕特輯入面，有個好生面口嘅女主持人，着住背心同外套，再加埋條短牛，同大家介紹點樣影靚相。嗰位女主持喺節目度坐鹿車騷長腿，再加上着住背心仔關係，令到唔少網友大讚佢好索！

索爆三點式

網上起底組即刻火速做嘢，發現原來佢叫利穎怡，今年28歲，參加第26期無綫電視藝員訓練班入行，喺2015年10月加入《東張》做外景主持，第一次出外景就係訪問前港姐陳凱琳。

除此之外，佢都客串過唔少劇集，好似《愛‧回家》、《刀下留人》，以及《張保仔》等等。而唔少網友亦都搵到佢嘅instagram，見到有唔少生活照之外，仲有幾張着住泳衣同朋友去遊船海嘅相。見佢上圍都似乎幾驕人吓，而佢着比堅尼影嘅相，唔止騷出豐滿上圍，仲有近年人人都想練嘅馬甲線，身材、身形都非常好。網民睇後即時冧爆，睇嚟利穎怡有機成為新一批彈起嘅小花喎！

網友有話兒：

椎XX奈：都估到有人開POST。BTW條女叫咩名，真係幾正。

XX路：joan lee

XX熊：真係幾OK！