謝安琪擸四獎爆喊：音樂路很難行

謝安琪（Kay）成為今晚《新城勁爆頒獎禮》女大贏家，個人囊括「全球勁爆歌手」、「勁爆歌曲獎」、「勁爆國語歌曲」及「勁爆全國歌手大獎」，Kay臨發表得獎感言前，先感性地表示：「我想聽吓你哋嘅掌聲先。」此時，現場即歡呼聲不絕，朱明銳更為她喊「加油」，然後阿Kay說：「好多謝新城，第一年我哋有少少故事，我都當由我起步開始，每一位播過我歌嘅DJ、每一個聽過我歌嘅樂迷，每一位曾經鼓勵過我嘅人，我都記得。可能有啲人我未必有機會多謝你哋，好希望今日我有少少成績，有呢個機會可以一次過多謝你哋咁多位，多謝你哋。」

「次次攞獎一泡眼淚」

說到此時，KAY已數度哽咽：「做音樂本身係好快樂，過去十年音樂路有好多美好回憶，但點解次次攞獎都一泡眼淚，呢啲咁應該開心時刻，情緒好複雜，因為為咗做好聽嘅音樂、有意思嘅音樂，好多時候承受壓力好大。」

重視樂迷眼光及掌聲

說到此處，阿Kay已哭成淚人，並謂：「由出道到畀大家認識，到大家記得我個名，開始買我嘅唱片、嚟睇我嘅演唱會，會支持我嘅音樂，會為我得獎開心鼓掌，對於我嚟講，每一分每一秒都係好寶貴。每一個人，每一次你哋嘅眼光，畀我嘅鼓勵好重要，真係好重要！多謝！」

說到此處，Kay繼續強忍淚水表示：「今晚新城頒發嘅獎項，可能每位歌手喺台上時間唔多，可能有啲歌手，你甚至乎聽佢唱歌、認識佢機會都唔多，所以好多謝新城，喺每年聖誕節，喺咁開心嘅節日，為好多未必有機會嘅音樂人，等人有機會去認識佢哋，等佢哋繼續可以行佢哋嘅路。」然後佢話佢要畀掌聲所有音樂人，並承諾會繼續努力：「冇你哋嘅支持，我一定行唔到嚟今日，呢條路好難行，未來我會繼續努力。我知我有好多嘢要改善同提升。」

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

http://on.cc/redirect/entertainment