閻奕格獲獎打強心針 明年開騷大唱特唱

20151227
東網電視
更多新聞短片
閻奕格奪得「新城勁爆演繹大獎金獎」及「新城勁爆全國偶像」兩個獎項,恭喜晒!
參加台灣《超級星光大道》一炮而紅的歌手閻奕格(Janice)於新城頒獎禮中奪得「新城勁爆演繹大獎金獎」及「新城勁爆全國偶像」兩個獎項。受訪時,Janice坦言是首次奪獎:「我2010年參加比賽,好多人覺得我嗰陣出道,其實嗰陣我仲讀緊大學,參加完比賽之後就返咗美國,2012畢咗業就返嚟香港開我第一次演唱會,之後身體有啲問題,就休息咗兩至三年,今年對我嚟講先係正式出道。」她又謂之前一直沒有的個人作品,今年就推出了三首單曲,在正式成為歌手就得獎,非常感激新城。
現時簽約台灣公司
提到她得到的不是新人獎,而是更大的獎項,Janice表示奪獎是意料之外:「所以唔只攞一個,仲要攞咁大嘅獎,對我嚟講係好大好大嘅強心針!」她又謂自己消失了兩年多時間,曾擔心大家忘記自己:「今次返嚟香港1月17日音樂會嘅飛都賣得唔錯,對我嚟講已經係好開心嘅事,大家記得我,仲想聽我唱歌,真係好感激佢哋!」她又指現時簽約的公司在台灣,比較少機會唱廣東歌,但自己本身很喜歡唱廣東歌,所以1月17日在港開騷,會把握機會大唱特唱。
對於歌曲《也可以》在網上點擊率很高,Janice表示這是電影的插曲,亦是今年推出第一首歌,所以非常大壓力,因為終於有自己的作品,而且之前參加比賽都是演唱一些較有力量、飆高音的歌,她說:「呢首歌淡啲,收埋啲,冇諗過會咁多人鍾意,好似我今日睇到電影片花版嘅MV,好似已經去到二百萬,完全冇諗過。」她又指因電影片花版MV不是完整版的歌曲,所以公司為她再拍攝全新MV:「上兩個星期上咗,已經有47萬view,好開心!(拆禮物?)其實我好注重聖誕節嘅,今年Christmas要做嘢,呢兩個獎算係我正式第一份嘅聖誕禮物!」