胡杏兒儲肥明日出嫁：緊張又興奮
20151227
東網電視
更多新聞短片
胡杏兒明日大婚！（圖：Cosmo Bride China）
明日（28日）是胡杏兒和男友Philip Lee的大婚日子，一對準新人會在港進行簽紙註冊儀式，晚上則假香港麗思卡爾頓酒店擺酒，與至愛親友一同分享這人生重要時刻。
學習適應李太身份
連日來新娘子為籌備婚事忙個不停，事事親力親為，杏兒笑說：「之前我都發咗微博，講笑話結婚真係一次就夠，因為真係好忙同好多嘢搞。結婚係一生人最大嘅一件事，心情係既緊張又興奮，不過我都冇失眠，亦冇減肥，反而要食多啲，我覺得塊臉太瘦，想食番脹啲。」明日出嫁做李太，對於李太這個稱號，杏兒坦言未慣，說：「都要少少時間適應。以前自由慣，去邊唔需要同第二個解釋交代，依家就要學習去適應呢個身份。」
家庭事業兩兼顧
事實上杏兒和Philip向來重視家庭生活，所以她希望將來家庭事業兩者兼顧，說：「結咗婚之後工作都要做，我係工作狂，都要畀心機，同埋自己啱啱轉新公司，唔可以太放鬆，想事業更上一層樓。」杏兒婚後固然會繼續拍戲，同時亦已計劃擴充其KEVOLIE婚紗店業務，之前她在比利時穿着自家品牌特別訂造的「The blessing collection」系列八套靚婚紗做生招牌，加上胡定欣早前着上KEVOLIE的視后裙大獲好評，令生意愈來愈好，所以杏兒已打算將婚紗業發展到內地，她說：「我哋係計劃緊，希望可以喺上海或者北京開分店，我喺呢門生意上都一路學習緊，自己愈做愈有興趣，希望可以做得更好，依家我嘅Partner都開始做緊Planning同物色地方。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：