丁子高忍手唔賭　楊千嬅投注有斬獲

歌手楊千嬅和夫婿丁子高今日偕同兒子丁進諾（Torres）入馬場，千嬅專程捧奶奶的「野孩子」場，結果帶旺跑第三，千嬅在觀眾席開心笑到見牙唔見眼，席間更巧遇歌手譚詠麟，各人有講有笑。

丁子高表示無投注說：「我冇買，不嬲都唔賭，千嬅有買，贏咗幾千蚊，其實今日主要係帶Torres睇馬，佢好鍾意馬。」問到聖誕節送了甚麼禮物給兒子？他說：「唔使禮物，佢有太多，好多朋友好錫佢，又客氣，呢兩三日，佢收到廿幾份禮份，份份好大盒，堆到成個廳都係，我頭暈，淨係諗緊點樣分拆啲禮物，唔可以一次過拆晒。」