爆簽紙喊足幾次　36歲杏兒唔急造人

今日是藝人胡杏兒與丈夫阿Phil結婚大日子，婚宴開始前，新娘杏兒特意出來會晤傳媒。她接受訪問時表示今日非常開心，不過就冇預期中咁緊張，過程亦很順利。問她可有緊張到失眠？她笑言：「其實都有失眠，前兩晚都無瞓到，但係今日又唔算攰囉！（簽字嗰時有無喊呀？）幾次囉，簽紙行禮嗰時有少少感動，因為有好多親友喺度，講誓詞時會觸動到。（畀老公幾分？）滿分，我自己都係滿分。」

度蜜月玩足兩個月

杏兒表示過幾日就會與丈夫進行為期兩個月的悠長假期，周遊列國度蜜月，以補償自己早前太忙無暇陪丈夫。問她可習慣被稱「李太」？她笑言：「開始習慣喇。（度蜜月造人？）要等吓先，我哋都想過吓二人世界。其實都想過少少夫妻生活先，以前好自由，鍾意做咩就做咩，依家要尊重另一半，好多嘢要大家一齊plan，要習慣吓呢個身份先，但好開心，覺得自己好幸運。」

認婚禮大出血

問到為何丈夫不一起受訪，杏兒即為丈夫擋架，稱他怕醜又忙於招呼賓客。問她好姊妹何時結婚？杏兒說：「佢哋都差唔多㗎喇！不過邊個嫁先都開心。」最後杏兒直認知道丈夫今次花費巨大迎娶自己，所以亦發揮妻子本色吩咐老公要努力搵錢！