破冰！陳山聰認孖伍詠薇同場唔尷尬
20151229
東網電視
更多新聞短片
陳山聰話同伍詠薇（紅圈）關係從來冇唔好過，同場唔會尷尬仲有打招呼。
藝人陳山聰於油塘出席無綫劇《刀下留人》之「情花初現度佳節」活動，提到昨晚參與胡杏兒的婚禮，他自嘲「老人家」好早瞓，所以玩到11點左右就回家，故未有去After party：「都好盡興，戥杏兒開心，成班同事都話好似舊生會，好多之前合作過或好耐冇見嘅同事，全部都喺晒度好開心。」
想約伍詠薇食飯
早年山聰傳與契姐伍詠薇（伍姑娘）「割席」，兩人再次於杏兒婚宴上同場，他直言有跟對方打招呼：「同阿怡（楊怡）、陳敏之傾咗陣偈，好耐冇見伍姑娘，我哋都冇尷尬。（好番？）從來都冇唔好過，所有嘢都隨時間過咗去，大家都有話約食飯。」
讚杏兒講客家話好正
問到新娘有冇感動落淚？山聰說：「佢冇乜點喊，喜悅多啲，反而佢老公講嘅嘢好感動，杏兒又講客家話，好正。」並謂「胡說八道會」一眾姊妹好幫手，大家都不肯搶花球，最後杏兒有心地送給家姐：「我都同胡定欣講快啲，到你哋（結婚）喇，我都等緊。」
結婚等上天安排
問到何時到山聰結婚？他笑謂：「嘩！真係要等吓先，我都想呀，但都未搵到（女友），明年都40歲喇，依家拼命工作先，再等上天安排啦。」並謂分別向楊怡和袁偉豪催婚，有傳楊怡與羅仲謙三月結婚，山聰說：「係咪㗎？唔知喎，我未收到風，但阿怡話結嘅都走唔到我嗰份。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：