邵美琪返內地拍劇增廣見聞

20151229
東網電視
更多新聞短片
邵美琪好開心再有劇集受到歡迎。
藝人邵美琪(Maggie)與黃德斌等於油塘出席無綫劇《刀下留人》之「情花初現度佳節」活動,對於該劇口碑佳,她大讚劇本寫得好又細膩,直言好鍾意編審冼翠貞的作品,接劇看重編劇多於監製和對手:「睇出嚟好舒服,媽咪問少咗我點解,佢真係睇得明。收視係點唔重要,個個鍾意睇我就好開心。」
Maggie更表示《刀》劇帶挈她獲導演垂青邀拍電影:「出面有啲電影編劇、導演都話合作得過。(嚟緊拍電影?)係,同埋傾緊啲內地劇,但時間要相就。(返內地拍劇賺多啲?)唔好講搵多啲,夠生活啦,但同不同人合作、喺唔同地方拍嘢會學到另外一樣嘢,」
而同場的康華同歐瑞偉玩戲時相當興奮,穿上短裙上陣的康華更一度忘形俯身走光露打底,認真不小心。